讓自已的故事從頭開始

■ 中秋。快樂

中秋節快樂！！

在遠方的月亮會不會比較圓呢？

在這個人月兩團圓的日子，特別想諗妳。

中秋節快樂！！

*

中秋節，總覺得係人月兩團圓既日子，

無女友呢？咁就留響屋企，何必廢心搵節目消磨時間。

難得今晚屋企人齊，大家食下飯，

呀媽酒引起，仲開左支紅酒飲。

不過佢飲左少少就唔飲，剩落果大半支又要我搞掂。

慢慢咁飲，聽下歌，見到個月亮出黎，就影下相，

一晚，就咁好平靜咁過。

■ 月有陰晴圓缺

一年難過又中秋。

原來，話咁快又到中秋，咁樣又一年。

記得，上年依個時侯認識佢，

仲記得佢中秋節去左沙灘…. 佢真係好鐘意去沙灘。

估唔到一年之後，大家身邊發生左咁多事，

到而家變成陌路人，諗起都覺得唏噓。

*

我仲記得，月有陰晴圓缺。

*

最近，工作太煩忙，但生活太清閒，

放工太倦唔想去玩，依段時間，腦中諗既，都係無聊野。

對身邊既人要求唔大，習慣太長久無言既遷就，

可能就係釀成過去分手既原因。

我係個經常懷疑自已既人，好多時，分唔清自已既決定係對定錯。

就係因為唔清楚，所以會企響唔同既角度去睇事物，

雖然客觀地明白問題響邊，但又任性地選擇主觀既答案，矛盾。

有時，會覺得係自已錯失，會對過去還有奢望，

想像一下，某一日，將某某人追返來。

當然，到最後，其實只會去奢望一下，當作一種傷口既安撫。

不會走回頭路，係我答應自已既，

係某方面，我好硬頸。

■ 信箱

我的性格是被動的，只會一直等待，

很多時，只能默默看萻你從我身邊流走。

我只能做到，當你累時，給你一個休息的方，

我對你來說，只不過是中途站，永遠不會是目的地。

*

有日特然間想，如果信箱會說話，
佢會講 D 咩故事比我聽呢？佢既性格又會點呢？
結果，就開始留意信箱依個題目。

上星期入石澳，我一路哼著這首歌，一邊影…

我看不到天上的雲　見不到街邊的燈
黑淒淒陰沉沉　你讓我在這裡痴痴的等

想的是你的愛　想的是你的吻
流不盡相思的淚　熬不完離別的恨
夢悠悠昏沉沉　你讓我在這裡痴痴的等

也曾聽到走近的足聲　撩起我多少興奮
也曾低呼你的名字　盼著你向我飛奔

看清楚掠過的影子　才知道是一個陌生的人
會不會你再來　要不要我再等
一遍遍我自己想　一聲聲我自己問
愛也深　恨也深　你讓我在這裡痴痴的等

■ 夢。夢

■ 尋

每天，
彷彿在尋找，但找什麼呢？
一直也找不到，有時當捉緊了，
但發覺，並不是自已想要的，
內心深處，以為有答案，
但其實仍產生好大既混亂。
到最後，跟本不知道自已在找什麼。 

過去，
把過去弄得複雜。
我沒經過大風大浪，
有時，只係把過去一切事情諗得太複習，
用好多角度去諗，將好簡單既事情，
卻整到亂七八槽。 

現在，
將現在盡量簡化，
對於身邊發生既事，我怕太複雜，
不想去知，懶得解釋。
將所有事情，外間帶給的喜怒哀樂種種。
交比感覺處理，用直角去判斷。 

倦了，
曾幾何時，自已亦係個易於相處既人，
喜歡以感覺同人接觸，總覺心靈比肉體接觸更直接。
今天，懶了…欠缺了這份自信，  

■ 生日快樂

■ 病病

最近比較消沉，個人好似洩左氣咁。

沉日仲開始覺感冒，搞到放假都留響屋企食藥同訓。

*

唔經唔覺，己經過左一個月。

新工作，新環境，每日都好忙，由返工，做到收工。

因為以前懶慣，對返朝九晚六既工作，仲係未習慣，

成日都唔知醒，唔願醒，搞到要飛車返工。

放工返到屋企就成條死屍咁達落床訓，

唉，好似又肥左。

*

上星期睇左星期日檔案，講有關一個手指有缺陷既女仔，

點樣通過自已既努力，去完成自已既理想。

我地都唔鐘意不幸，唔鐘意受苦，

但痛苦，卻係學習既最佳路徑。

片中，我看不見醜陋既缺陷，

只看一個人，通過自已既努力，

對自已既執著、毅力，

而發出聖潔的光輝。

*

有時覺得，只要退後一步，

一直以來既信諗、約定，

好多野都會被破壞，以後都唔可以返轉頭。