讓自已的故事從頭開始
2006年05月26日
■ 白泥
|
好忙，POH 開新 Blk，依幾日都系 POH 做做做。
今日就系 FM 、 A&E 同 OPD 系咁走系咁走，走左十幾轉。
隻腳又未好得曬，真系命都比埋佢。
收工，有朋友就生日話要同我食飯。
一來倦二來無心機，所以推左佢。
唔想返屋企對住四面牆，結果就渣左架車去白泥。
果然繫好遠好鄉郊，一入到上白泥就聞到一陣陣既豬屎味。
九曲十三彎，上山落山，終於上到上白泥。
上到山頂第一眼睇到，嘩，靚到呀，
離遠仲見果條起緊既後海灣幹線同深港大橋。
留左一陣就諗住去下白泥睇下，原來落到山腳就系海邊，
仲可以落車去沙灘行下，下面有好多蠔田。
   又九曲十三彎，上山落山，到左下白泥。
本來諗住落車行下睇下紅樹林，點知泊好車就比兩對情侶頂住曬。
佢地系咁抱抱錫錫打車輪，頂，真系當場無曬心情。
渣返架車去上白泥，泊好架車坐系海邊吹下風諗下野。
坐下坐下都差唔多七點，見個天太多雲，都唔會影到 d 乜。
再渣車返上山頂諗住補多幾張相，頂，又系果對情侶。
做乜咁鐘意繫馬路邊打車輪 wo….
系。個風影繫好靚，日落wo，有風有山有水，都唔洗咁掛。
想羨慕死人咩。。
 **
系海邊，好平靜，亂咁諗野，諗左好多無謂野。
連一個女人都留唔住，系咪好失敗呢？
其實我自已都知問題系邊，因為我唔識點去愛人。
以前以為愛人系件好簡單既事，人天生出黎就識得愛人，
依果想法原來系錯既。巖巖分手果時，好傷心。
以為好愛佢，後來先發覺唔系。
發覺只系想有個女人比我對佢好，關心佢。
以為系喜歡佢既人，原來可能只系喜歡佢系女友既身份。
仲記得分手果時佢對我講對唔住，浪費左我三年。
其實每個人都系得果一條命，得果幾十年。
果幾十年，每個人都會花系自已認為最值得花既地方。
有人鐘意不斷同人發生關係，有人用黎搵同佢共度餘生既人，
有人願以去等人，有人乜都唔要，有人為名，有人為利。
生命系我地既財富，有人自我享受，有人用黎奉獻，
值唔值得呢？唔系身邊既人可以瞭解，亦唔洗身邊既人瞭解。
|
Posted in: 隨心 |
回應(2) | 回應的RSS | 引用通告(1)| 
(0)
2006年05月21日
■ 零感覺
|
一早就出左去試鏡，唔系幫 model 果 d 試鏡，而系自已睇中支長鏡想試下姐。
支鏡果然好野，好快無乜點諗就買左。
買完先發覺支鏡太長，而家個相機袋放唔落，睇泥要買個鏡袋先得。。哈哈
 
今日睇左達文西密碼，好多密碼，好多迷題，可能太專心睇，睇完個頭好痛。
睇完之後更加明白點解要出本解碼書，因為太多野要解釋啦。
我諗書應該好好睇，而電影，可能太多野要拍，所以睇果時覺得好散、好亂。
散場，感覺身邊 d 朋友覺得套戲好悶。
套戲系我話要睇既，我自已覺得好唔好意思。
本來仲諗住同佢地晚食飯既，但可能大家都悶死左，
所以大家就好極速咁散曬水。
見無野做，之前講明唔返屋企食飯，結果就去左買鏡袋。
行果時諗，雖然今日繫好多人一齊去睇戲，但感覺就好似得我自已一個咁。
其實我今日真系無乜講過野，我一向系一個慢熱既人，
見到一大班新朋友，我真系唔多敢出聲。
 買完野正諗住去邊解決今晚果餐，睇睇 call 機原來比 Mr. R call 爆機。
原本成班友系老地方飲緊野，本來我話拉傷左隻腳，
但諗諗下今晚橫掂都系自已食，不如陪下佢地傻。
飲飽，翁翁之前連輸一打，所以醉醉左，系咁捉住我教我做人既道理。
我知我迷失、我知我失去目標、我知我無曬自信、我知我將感覺乜都收埋，好多野我明白，
但傷口並唔可以一日就好返，但我明白佢話我系為我好。
好兄弟…飲！！！
送左翁翁返屋企，同Mr.R 去接埋R嫂收工去沙田強記食雞粥。
今次到 Mr.R 教訓我，要我為將來打算下，要認真咁搵個人。唉。
喂….Mr.R，我有邊次唔認真架，結果咪越認真，仆得越直。
|
Posted in: 隨心 |
按此回應 | 回應的RSS | 暫時未有引用通告| (0)
2006年05月19日
Posted in: 隨心 |
按此回應 | 回應的RSS | 暫時未有引用通告| (0)
2006年05月14日
Posted in: 隨心 |
按此回應 | 回應的RSS | 暫時未有引用通告| (0)
2006年05月07日
■ 一首歌
比人問我有乜夢想，我諗好耐都答唔到。
廿到尾，一事無成，有二世祖之才，可惜無二世祖之財。
學識飲酒之後一直有個夢想就系開間酒吧仔，
因為我好鐘意系酒吧睇住班人嘻嘻哈哈飲酒果d感覺。
結果廿幾歲果時就同屋企人夾份開左間吧，
後尾就知道一個道理，力不到不為財，當買個教訓。
廿到尾，人又老，才同財又無，連身邊支持自已既人都無，都好，一切從新開始。
如果我得六十歲命，咁我既人生就差唔多行左一半。
我覺得每個人都有自已既一首主提曲，我會選擇飄流教室作為我前半生感情既寫照。
你呢，你又會選擇邊首？
Posted in: 隨心 |
回應(2) | 回應的RSS | 暫時未有引用通告| (0)
| 1