讓自已的故事從頭開始

■ Crazy Men

星期日訓醒無乜野做，執下間房，清返 D 位用黎放相機，

順手將 D 無用既舊野掉左佢， 無眼屎乾淨盲。

執執下又比我搵到 2 部唔同年代既 Nintendo GAME & WATCH。

執到 4 點幾就出旺角 dcfever 買野， 嘩，個姐姐仔 service 真系一流，

系咁幫我試，介紹得又清楚專業，唔怪得網上面唔多人推介。

買晒野之後就去 join Mr.R 同埋班 crazy 兄弟 飲野。

話說佢地梨木樹分公司要同荃灣總公司合併，

之後班兄弟就會各散東西再去其他部門，

所以今晚之後，都唔知幾時有機會再出黎玩。 

咁例牌當然玩下骰鐘咁。話說有個傻仔余之前己經輸得金飲得大，

個傻仔余搖呀搖、搖呀搖、望一望，突然間大叫，又話自已咁多年都未搖過咁既勁骰，

仲好吋咁發毒誓：”今鋪無得輸，呢鋪我輸就切 XX！！”

當時 5 個兄弟 25 粒骰，我叫 9 個 6 好正路，到我下家傻仔余叫 10 個 6……

真系人算不如天算，大輝哥諗配唔諗就開，

傻仔余仲好有信心咁打開佢果 5 個 1，但系當佢數一數台面……

結果系 :

大輝無6、 Mr.R無6、呀翁 2 粒、我2粒、傻仔余5粒1。

加埋得果9個6….

你睇下傻仔余幾咁無耐幾咁錯愕，所以話人算不如天算，早知唔好咁撚串!!~~

諗起小余余好快就要離開佢主人，但無可耐何毒誓已發，

雖然我地都好唔舍得，但系我地系一班有事命感講誠信既成年人，

我地只好忍痛為小余余舉行簡單而隆重既    剪綵儀式!!!

小余余 我地一班 crazy men 永遠懷念你!!!~~

■ 新玩具

今日終於買左部 D5D，完多多年既心願。

記得好細個就好鐘意影相，記得細過果時一影相就爭住渣機 ，

果部機仲要乜都自已 set ，老實講，果時咁細過邊會識。

 求期對到蕉就影。。

後尾中學果時有次拿出去影相，因為太耐無用過，

用錯左上飛林既方法，搞到 d 飛林全部走晒光，

果次之後就無用過部機了。

而家 check 返先知部機個 model 系  

Yashica Electro 35GSN，

1973 年出品，真系老過我。。哈

 Check 返 個 spec. 原來都幾好架，有 45mm／F1.7全光學玻璃鏡頭，

我記得果時仲系一機三鏡、廣角望遠鏡頭組+兩用觀景器， Kit 再加閃燈，

不過之後唔知好似留左系大陸屋企定去左邊了。

 今晚搵返出泥睇，發覺發晒”毛”，不過等我玩熟左部 D5D，我諗我都會花 D 錢去比人整。

至從上錯飛林之後都無想影相，一直到變年後 DC 開始 common，

我就買左我第一部 DC　～　Casio QV2900。

由果時開始我就真真正正對影相有興趣，

後尾因為要進修既關系，又將影相既事放低晒。

一直到 DSLR 興起，一直有留意市面上既機，但一直就睇唔岩。

 直到 KM 出左 D5D，一路以來都好鐘意 KM e 間公司，

覺得佢地做野好有誠意，好用心去做野既公司。

 可惜，好心無好補，咁就比 SONY 買起左，搞到我怕左唔敢買。

上星期同朋友去飲野， 比呀 joe 爺點醒左，所以就決心買左部機佢。

有時好多野唔洗諗咁多，想做、覺得岩就去做。

好多謝 joe 爺今日落住雨陪我去買機，我對 dslr 完全唔識，

我諗我有排學，有排煩住 joe 爺。

 ************

今個月買左好多野，嘻嘻，心情唔好果買野都唔錯(借口) 。

月頭買左 O2 Atom，月中又買左機相，下個月要整車，之後又要驗車，

保費又到期，牌費又到期，哈哈，今日開始真系要食麵包過日子。

■ 本來無一物

本來以為自已己經放低，以為唔會再為佢唔開心。

但今日收到 ex 一個 email  ，信中提問到我留系佢屋企既野仲要唔要，

又話佢就要返屋企公司幫手，直當我想系 msn 回覆果佢果時好衰唔衰見到佢同 new bf 既相。

一個 email ，令我突然間思潮起伏，原本已經平服既心，又泛起一陣漣漪。

 果然，同我分左手既女人都會過得好好景。

記得當日分手有好多理由，想多 D 私人時間，想多 D 陪狗，想咁想咁……

好多好多理由，但其實分手既理由只有一個，只不過唔再愛你。

其實我真系以為我己經死心架，但系原來我仲會痛。

心痛，本來我想就算分左手，都希望對佢有個好印象，原來一切只不過系謊言。

諗真，我唔開心系因為同佢講分手講到好偉大咁，但原來又咪系有左第二個，系對人好失望呀。

*** 

謝謝給我一個美夢，夢醒我再次變得一無所有。

不過，見到佢而家咁幸福，我都會祝福佢，畢竟是愛過的女人。

p.s. 每日都係步步高，真係煩! 真系好唔鐘意而家 d 報紙電視。
人都死左，仲要搞人屋企人，又要將人惡魔化。

■ 無無聊聊 DIY

比人話好耐無寫野，今晚的起心肝寫一寫，點知嘔血，

打完唔記得 save 又要打多次 一切從簡打多次。

*****

Mr.R 上網見到人 DIY 換車頂心郁郁又想有樣學樣，

做兄弟既，只好頂硬上幫佢搞。 

個 web site 就講到好簡單，照住咁做就得。

1. 先將架車既 A柱 B柱 C柱拆左佢，有鑼絲拆鑼絲，無鑼絲就暴力 D。

2. 然後剪定同 D 柱差唔多 size 既布(留多少少包邊位)，.跟住系系咁噴 3M super 77噴膠再等 30 秒就將佢地合埋。

3. 合埋之後再掃平佢，再將多左既邊位包好，十足十我地細過果時包書咁。 完成

******

好，入正題，拆天花。

1. 先將車頭太陽檔，安全帶，手把，到後鏡，燈見乜就拆乜走。

不過講就易，2 個死傻佬乜都唔識，拆下睇下都拆左個幾鐘，過程仲好暴力。

好采 Mr.R 記得之前拆左電池，唔係實電瓜我。

 不過拆完之後手都提唔起。

 2 拆晒 d 野 之後再拆埋車邊果 d 膠邊，就可以打開車尾拆頂出黎。(又系講就易)

 3. 成個頂拆左出黎，個頂…好似啞通紙板咁，好似好兒希。

之後就度度你需要包既布料尺寸。Mr.R 個死傻仔，預多左鬼咁多，搞到我之後剪到嘔血。

 預好布料之後就開始噴膠，又同之前一樣，等一陣就合埋佢地。

4. 痴埋左之後就到最煩既地方，就系將多餘張布剪走同收邊， E 兩個 step 足足玩左我幾個鐘。

 真系天光痴到天黑，不過完成左又幾開心幾有滿足感，唔影張相留諗真系唔得。

 5. 完成左之後就還原返之前步驟，不過因為個車頂厚左咁多，上返去都有 D 難道。

上左車頂，上返中間果 2粒  鑼絲，再上尾果 5 粒鑼絲，再上頭燈尾燈同埋 D 手把，

上完之後基本上好實。 之後就上返晒 ABC 柱同埋安全帶就基本上完成晒。

*******

未整前 好普通一個絲絨布車頂

整完後  (可惜影得唔好睇唔清)

 *****************

後記

兩個傻佬由中午 2 點玩到夜晚 9 點 ，真系身水身汗。

人地開價 Mr.R $1500 幫佢搞佢又唔肯，計落 7 hours x 2 個人，我地 D 的人工都唔止 e 個數。

不過講真，真系幾好玩，2 個傻佬一路吹水一路整，十足十玩模型咁。

而完成左之後果份滿足感仲系幾錢都買唔到 ，好有成功感

最重要系……架車又唔系我既，鐘意點玩就點玩，有時手功差 d 又唔會心痛。哈哈哈

好。開始諗下次整咩好先，水晶變色天花吊燈呀！定系再玩大 D 油木地板呢。。嘿嘿嘿

*******************