讓自已的故事從頭開始

沉晚又飲到半夜，返到屋企都五點幾。

*

今日無所事事，

去左聽學聯社會運動資源中心搞既文化導賞團簡介會。

聽完，行經上海街，睇左 de consequences。

晌上海街入面，比我見到張咁既傳單。

…..個主題咁熟既？ Kong Lui？港女？

Curated by Vesta Cheung……

疑？咪係我呀妹！！！

衰妹，己經開始左都唔通知我一聲，

下星期搵日去睇下先。

沉日放工無野做，

一個人走左去睇 “潛水鐘與蝴蝶” (The Diving Bell and the Butterfly)，

電影，無好多煽情既劇情，反而加入一些幽默的自嘲。

攝影以特別既第一身拍攝手法，只有一隻眼望到既迷焦既景像，

令到觀眾可以切身感受到一個全身癱瘓望到既世界。

其間有幾場，主角以自已困在 Diving Bell 之內來比預自已既處景，

在深海靜寂無聲，自已四支不能動，世界無聲的停頓。

主角父親亦自嘲，自已行動不便，是困在家中房間中，

而兒子就是靈魂困在肉體中，大家都是一樣困住了。

主角因為 Locked-in Syndrome 令全身癱瘓而有想死既諗頭，

但到得醫護人員、家人、朋友既支持，

由放棄變到努力，令用想像力，沖破左潛水鐘既枷鎖，

化身為蝴蝶，不受約束，利用幻想同回憶，

最後很完成自身既傳記。

電影，題才沉重，但無濫用煽情，

拍攝，比人一種淡淡然既唯美感，雖然套戲節奏比較慢，

但我本身就係一個慢熱、淡淡然既人，反而睇得好舒服。

*

夜晚同醫院既同事食飯，之後唱 K。

仲要唱到天光先返屋企，真係好多年未試過。

原來，我有成年無去過 K。

原來，我六年以來，無同同事出過街，

原來，一直以來，我跟人既關係，都會保持一定距離。

原來，係我封閉左自已。

人，

來來回回，從身邊走過，

有幾多人，一見如故，

有幾多人，經常聯絡，

有幾多人，可以成為朋友。

有幾多人，雙對無言，

有幾多人，失去聯絡，

有幾多人，成為陌路人。

*

每年，都會習慣返大陸陪嬤嬤過年。

通常年初二，自已先會返香港先。

初三，R公子 話想去白泥影相，

雖然天氣唔好，不過都陪佢行下啦，

總好過一支公響屋企執屋咁悶，

哈，個衰佬第一年派利事，

不過我見佢派得好開心，羨慕死人。

講起好笑，原來今次係我第一次同佢一齊去影相。

*

之前影得太多太濫，好多時都係為影面影。

冬天之後，變得好懶，

一直無乜心去影相。

正好可以，影少 D，諗多 D。

*

最後，

恭喜發財，祝大家身體健康。

覺得太冷，

天氣寒冷，既濕又凍。

絲絲細雨，配合惡劣既心情，

倍覺難受。

*

困住了。

全球己經被一體化，大家都困住左響個籠入面。

望下而家 D 人，周圍每個人，玩黎玩去都係果 D 野，

做同樣既事，著同樣風格既衫，食同樣既野，

身邊每個人越來越相同，越來越無咩意義。

軀殼拘禁我們的靈魂，使我們不得自由，

思想，在自己的身體裡坐牢。

*

有個星期六，睇左一集港台既不死傳奇。

其實一到都有睇開，除左鄧麗君果集，集集都有立過眼。

從小，都對陳百強無好感，覺得佢太施文，太官仔骨骨，

仲有少少做作。佢 D 歌，雖然有聽過，但一直無入過腦。

但係唔知點解，果晚聽返，特然好有感覺，

但人會隨著自身的經驗見聞，

隨歲月加深對生命的體會。

有 D 事情，細過未經歷過，係唔會明。

*

再次聽”漣漪”。

往事，其實並唔係想像中咁，想掉底，就底得底。

我明白，緣了就是完了，完了就是緣了。

我明白，懂得放手，才能捉緊將來。

再次聽”等”。

我感到有點落莫，有點寂靜，有點後悔，有點無耐。

興幸還能安慰自已，最少認真過，

經歷過。

*