讓自已的故事從頭開始

領養也須三思

集醫療、零售寵物用品及領養動物於一身的服務概念來自美國寵物店。本身是愛護動物協會前執行總監的Pets Central Asia集團董事總經理戴寶蓮強調，新公司並非與愛護動物協會競爭，只想盡快為被遺棄動物找主人。而集團歡迎和任何動物領養組織合作，安排動物在店內等候領養，但不會確保動物是否健康。

愛護動物協會發言人提醒市民，即使領養動物前也要三思，才能有效減少被遺棄動物。

*****

聽到依個消息真係好開心，希望對大眾支持領養及關愛動物的意識有所幫助，

雖然成果未必係好大，但系都系一個好開始，希望可以助長愛護動物的風氣。

而家有良心既企業真繫好少，佢 D 貓狗唔平架，下下系外國入口，

更難得，係咁既事勢，佢地肯放棄一個收入來源。

好可惜只係掛住賺錢的貓販狗販何止千萬，眼見寵物唔少黑店，

唔少狗場更可以用地獄來形容。

始終，愛護動物要由教育同立法開始，講到教育……唉。

係，所有寵物就咁睇當然係可愛得意，但養動物前真係要三思呀。

更加唔好用寵物作為禮物，依個系一生一世既誠諾。

你買佢返黎，就要盡力照顧，

佢地同一個唔會長大既小朋一樣，

佢會病，會痛，作為主人就要比佢最好既醫療服務。

佢都會有情緒，有時開心，有時唔開心，我地要比時間同耐性去瞭解佢，

每日陪下佢，照顧佢。

******

其實真係對女友 or 小朋友既態度差唔多。

佢發皮四，佢鬧情緒，你要有耐性氹。

佢做錯野，唔可以鬧，只可以慢慢教。

佢有咩頭暈病同，你就要陪佢睇醫生、照顧佢。

每日抽時間，同佢傾下計，關心下佢今日做過咩，遇過咩，有無D特別既事發生。

所以我都係果句，鐘意寵物，能夠照顧得好寵物既，一定唔會系壞人。

****** 

而香港政府對寵物既福利處於莫視態度更加唔好提。

枉香港政府成日掛住想表現自已繫個幾咁國際既都會，

究竟我地明唔明咩叫文明？

文明並唔繫在於香港手提電話用個幾快既網絡，每個人有幾多部電話。

文明並唔繫在於香港有幾多架車，幾多架 benz，幾多架 BMW。

文明並唔繫在於出口總值有幾多億，庫房收入有幾多。

文明並唔繫在於我地有幾多坐摩天大樓，

並唔系你一餐飯食幾錢，並唔系有幾多個大學畢業生，

更加系有幾多個國際級海濱長廊、演奏廳。

要達到文明，其實唔繫好難，唔會好複雜，

只要人人普遍擁有對其他生物有尊敬同包容之心，咁先系叫文明。