讓自已的故事從頭開始
2006年06月19日
■ 好倦
好倦，無心機寫野。
父親節，呀爸呀媽呀妹都唔系屋企，
今晚都系叮腸粉食。
個Blog 好怪， update 左 d 相，但 load 到好怪，
好多時 load 唔到，不過唔理啦。
去左老坑火鍋，D生魚皮勁正，
本來果三個荷蘭返黎既朋友唔敢食，
但一食就停唔到口，結果個個都話正。
其他焦牌蕃茄蟹湯底，手切牛肉同四寶丸更加唔洗講啦。
打完邊邊佢地話去唱K飲野，但我飲左少少酒，
好鬼想訓，結果叫人車我返屋企算。
星期日
晨早起身去蕉坑影花花同蟲蟲，
見到好多人帶狗狗去，好開心。
不過 D 旅行團就好死嘈，搞個個郊野公園似街市。
今日好熱好濕好多汗，影完成身汗味。
好釆架車放定 D 衫有得除時換，唔系實臭死人。
影完相去左西貢市行下，
又見到果西貢出曬名既八哥同老虎狗，
最衰無帶相機，部O2影相又廢到死。
行去龍記食左食桂林米粉，再系喵喵店買左 D野。
之後去左滿記食糖水，咁又玩左一日。
成日行街睇戲食飯唱K飲酒有時真繫好無聊，
所以久唔久去下郊外又幾好架。
Posted in: 隨心 |
按此回應 | 回應的RSS | 暫時未有引用通告| 
(0)
Trackback 路徑
http://edhk.mocasting.com/main/wp-trackback.php/62345
暫時未有回應