讓自已的故事從頭開始

“鯉躍龍門．澄海隆都．
龍湖古寨、兩天攝影團”

聽個名就知勁。

一早六點九，我地就響上水火車站習合食早餐，
仲比我響火車站見到朋友，佢見到第一句就係話我肥左好多，
嗚嗚嗚嗚，我都唔想架，人地中年發腹麻 嗚嗚嗚。

未去到深圳習合點，有個團友己經水土不服 join 唔到，
又有個團友唔知醒，遲身差 D 黎唔切，
食完個靚早餐我地就出發去深圳華僑酒店習合。

經過主辨單位點好名之後，我地就安排上旅行巴，
依架就係我地既”採訪車”，掛張採訪証，
我地個個當場變身做記者。

經過五個幾鐘既車程，大家坐到腰骨都直，腳都痺，
牛肉乾都食左幾包，終於到左汕頭華僑大廈，
亦係我地之後果兩日，早午晚連訓既地方。

到達華僑大廈之後，先食一個好豐富既午餐，
八個人食七送一湯，白飯任裝，仲送埋甜品。

大家食飽飽之後，就出發去潮安龍湖古寨。
經過差唔多一個鐘既車程，終於到達古寨，
去到當場嚇親，人山人海，拉晒布條，
打鑼打鼓，仲燒埋炮仗咁歡迎我地。

潮安龍湖古寨係廣東重點旅遊扶貧項目之一，
龍湖古寨地處韓江中下遊西岸，方圓1.5平方公里，
建於南宋時期，至今已經有千多年歷史，
古寨的結構很講究，是先人按照九宮八卦修建的。

走進龍湖寨門，街巷井然有序，祠第無數，庭院深深，
而千年老榕樹盤龍錯節隨處可見。

古寨安排擺拍舞龍，鯉魚舞。

可能係因為帶住記者証既關係，我地直頭可以登堂入室，
走入古寨民居進行拍攝。

成個古寨既音樂就係由依車大哪巴發出，仲要係 JBL，堅呀。

龍湖寨的古建築群保存大量是風格簡約的明式建築和精雕細刻的清式建築，
這些建築既體現了了宋、明、清及民國各時期的建築風格，
又薈萃了木雕、石雕、嵌瓷、彩繪、貝灰塑等典型的潮汕民間工藝精華。

拍攝題材好多，但時間非常少，大都係走馬看花，
好快又到天黑要離開，返到汕頭市華僑大廈享用豐富既晚餐。

因為 朋友身體不適，所以我獨沾左一間房。

第二日。
一早六點起身，六點半食早餐。
經過上次去福建土樓既經驗，發覺今次行程既早餐真係豐富得過份。
餐餐都七個送以上，咁食法我既減肥大計又要失敗啦。

早餐後又坐車去 澄海隆都陳慈黌故居進行拍攝，
故居有五百多個房間，四周是來自西班牙和意大利的牆磚和地磚，
故居內還有很多突破傳統的建築概念，例如在兩層複式的建築內，
中間有通往屋與屋之間的天橋，突顯出房子那種寬闊而四通八達的空間。

行程內本來按排有潮劇曲藝、木偶戲表演等文藝表演，
但唔知點解，表演場地重門深鎖。

歷經滄桑大宅，己經成為史館，偌大的宅第，
故然會在歷史中繼續前進，卻地透著一份孤單既感覺。

*

離開陳慈黌故居之後，就去附近村莊參觀，
仲安排左擺拍做紅果同做燈籠工藝。

到旅程最後一站，就係參觀紫菜製造，
其實亦只係擺拍沙龍既另一個場地。

兩日既行程亦就此結束，午餐之後，坐車返回深圳，完成潮汕之旅。

*

後記。

同前輩海叔閒談中，得知這類活動越來越難搞，
原因係廣東好多地方村莊己經唔會咁合作，
唔好話比人登堂入室，就連影都唔比你影，
更何況按排大型舞龍跳舞活動。

由於景點之多，行程極之緊迫，未能慢慢參觀，十分可惜。
而經過今次既行程，對於擺拍沙龍有一返既體會。
對於習慣找拍既我地，發覺前輩們連做紅果、做燈籠、
做紫菜都可擺拍一翻，心表唔習慣同奇怪。
但其實諗深一層，我地平時影人像寫真，
何嘗唔係另一種方式既擺拍呢？

更何況前輩們都有千錘百練的經驗，
為什麼咁擺？點解咁擺？點解咁構圖呢？
響奇怪既同時，我們何不從中偷師學習呢。
多了解其他人既文化，多多包容，互相尊重，
對我地既成長係重大既一課。

至於善食按排，經過今年去過福建同三水既經驗，
其實我覺得攝影團以攝影之主，善食方面，
食得飽就算，有時為左影相，食都無得食，
不過今次行程，真係餐餐都咁好送，
搞到我食多左，又肥左，嗚嗚嗚。